Dietologiya – insanın düzgün qidalanmasıyla bağlı bütün məsələlərlə, həmçinin müxtəlif xəstəliklərdən əziyyət çəkən və xüsusi pəhrizlə qidalanması gərəkən bir qrup insanların qidalanmasıyla məşğul olan tibb bölümüdür. Dietologiya bölümü həmçinin artıq çəkini təhrik edən xəstəliklərin diaqnostikası və müalicəsi ilə məşğul olur. Dietologiya sadəcə qidalar haqqında elm deyil, artıq çəkinin səbəblərini(endokrinoloji, kardioloji, qastroentroloji, hepatoloji problemləri və xəstəlikləri və s.) əks etdirən əhatəli bir tibb sahəsidir.
Həkim Dietoloq – Artıq vəya az çəkili olmağın qida, eyni zamanda alt mənşəli səbəblərini araşdıran, fərdi olaraq pasiyentlərə müalicə təyin edən və izləyən şəxsdir. Dietoloqlar bunlarla yanaşı ümumilikdə qidaların insan orqanizmasına təsirlərini araşdırıb öyrənir və öz diet programlarında bu kimi araşdırmaların nəticəsinə əsaslanır.
Modern Hospitalın Dietologiya şöbəsində Türkiyədə ixtisaslaşmış həkim dietoloqumuzla və son müasir avadanlıqların da istifadəsilə pasiyentlərə keyfiyyətli xidmət göstərilməkdədir. Önəmli məqamlardan biri burada pasiyentlərə standart deyil, fərdi olaraq yanaşılması, laborator analizlərdən keçirilməsi və bədənin seqmentar piylənməsini təyin edən İnbody-270 avadanlığı ilə diaqnozun dəqiq qoyulması və individual arıqlama vəya kökəlmə listinin təyin olunmasıdır. Məhz bu yanaşma nəticəsində hər il yüzlərlə artıq çəkidən və aşağı çəkililikdən əziyyət çəkən pasiyentlər təyin olunmuş zaman çərçivəsində arzularındakı ideal çəkiyə çatırlar.
