Rentgenoqrafiya ağciyər xəstəliklərinin müayinəsi üçün mühüm diaqnostik vasitədir. Rentgenoqrafiya vasitəsi ilə böyük ölçülü rentgen şəkillər əldə etmək olur ki, bu da skelet travmalarında, sınıqlar və çatların aşkar edilməsində, həmçinin onurğanın müxtəlif nahiyyələrinin degenerativ dəyişikliklərinin, törəmələrin aşkar edilməsində istifadə olunur. Həmçinin anadangəlmə skelet patologiyalarında geniş tətbiq olunur. Bu gün diaqnostika və müalicə sahəsində rentgen müayinə metodu olmasa fizioterapiya, urologiya, ginekologiya, otorinolaringologiya, nevrologiya, onkologiya, cərrahiyyə, ortopediya, travmatologiya və oftamologiya kimi tibb sahələrində xətəliklərə diaqnoz qoyulmasında xeyli çətinliklə üzləşilərdi.
Rentgen müayinə metodu yüz ildən artıqdır ki, tibbdə istifadə olunmasına baxmayaraq hələ də öz aktuallığını və dioqnostik əhəmiyyətini saxlamışdır.
Müasir kompüter texnologiyalarının tətbiqi sayəsində bu metodun diaqnostik imkanları dahada artmış, müayinə zamanı şüalanmanın dozası qat-qat azalmışdır.
