Ginekologiya – qadın cinsiyyət sisteminin fiziologiyası, xəstəliklərini və bu xəstəliklərin profilaktikası, diaqnostikası və müalicəsini öyrənən təbabətin önəmli sahəsidir.
Həkim-ginekoloq, qadın həyatının müxtəlif dövrlərində (uşaqlıq, yeniyetmə və yetkin dövrlərdə) qadın sağlamlığının qorunması məsələləri ilə məşğul olur. Mama-ginekoloq isə hamiləlik və doğuş dövrlərinə nəzarət edir. Ginekoloq qadın cinsiyyət orqanlarının kəskin və xroniki infeksion-iltihabi xəstəlikləri (kalpit, endometrit və s.) uşaqlıq boynu eroziyası, xoşxassəli şiş törəmələri kimi xəstəliklərin müalicə və profilaktikası ilə məşğul olur. Eyni zamanda sonsuzluq və ailə planlaşdırılması ilə bağlı tədbirlərin həyata keçirilməsinə yardım edir.
Hospitalımızın Ginekologiya şöbəsində ixtisaslaşmış həkimlərimiz və son texnoloji avadanlıqların istifadəsi ilə pasiyentlərə məmnun qalacaqları xidmət göstərilməkdədir.
Cərrah ginekoloqlarımız tərəfindən qarın nahiyyəsində kəsik aparılmadan, az invaziv ginekoloji laparoskopik əməliyyatlar icra olunur. Eyni zamanda gərəkdiyi təqdirdə, həmçinin pasiyentin seçimindən asılı olaraq açıq əməliyyat aparmaq da mümkündür. Miyomalar, sidik kisəsi, vagina, rektum sallanması, düşməsi, şişməsi daxili qadınlıq orqanı daxil prolapsusu və sidik sızıntısı(sidikqaçırma) ənənəvi üsuldan daha çox az ağrılı laparoskopik üsulla əməliyyat olunur.
